Մադրիդի «Ռեալի» գլխավոր մարզիչ Զինեդին Զիդանը հայտարարել է, որ ակումբը մտադիր չէ բաժանվել հարձակվող Վինիսիուս Ժունիորից ձմեռային տրանսֆերային պատուհանի ընթացքում․
«Վինիսիուսը չի հեռանա «Ռեալից» հունվարից։ Մենք 26 ֆուտբոլիստ ունենք, ու ճիշտ է՝ նա շատ խաղաժամանակ չի ստանում, բայց մենք նրա հետ հույսեր կկապենք։ Հիմա նրա ժամանակը չէ, բայց ամեն ինչ կարող է փոխվել»,- Զիդանի խոսքերն է փոխանցում Marca-ն։
Ընթացիկ մրցաշրջանում Վինիսիուսը 1 գոլի և 1 գոլային փոխանցման հեղինակ է դարձել «Ռեալի» կազմում բոլոր մրցաշարերում անցկացրած 11 խաղում։ 19-ամյա հարձակվողի պայմանագիրը «Ռեալի» հետ նախատեսված է մինչև 2025 թվականի հունիսի 30-ը։
Վաղը՝ նոյեմբերի 30-ին, «Ռեալը» Իսպանիայի առաջնության 15-րդ տուրում կմրցի «Ալավեսի» հետ։ Հանդիպումը կկայանա Վիտորիայի «Մեդիսորոսա» մարզադաշտում ու կմեկնարկի Երևանի ժամանակով 16։00-ին։
