Incourt թենիս ակումբի կողմից կազմակերպված Corporate Cup մրցաշարի մասնակիցները այսօրվանից կսկսեն նախապատրաստվել մրցաշարին։ Հայաստանում թենիսի զարգացման ծրագրի շրջանակներում տարբեր ոլորտներում գործունեություն ծավալող ընկերություններ մասնակցելու են սպորտային այս եզակի միջոցառմանը:
Մրցաշարի անցկացման ձևաչափհ հետևյալն է։ Կազմվելու է աղյուսակ որտեղ բաշխվելու են մրցակիցները:
Մրցող թիմերն իրար հետ ունենալու են 3 խաղ՝ 2 մենախաղ, 1 զուգախաղ: Մենախաղերը կլինեն աղջիկ-աղջիկ, տղա-տղա և զուգախաղ տղա-աղջիկ զույգով:
Հաղթող է համարվում այն թիմը, որը հավաքում է 2 միավոր: Խաղերը անցկացվելու են 1 սեթով: Հաջորդ խաղի ժամանակ զույգով խաղում են նախորդում մենախաղ խաղացած մասնակիցները, համապատասխանաբար նախորդում զուգախաղ խաղացածները հաջորդում մենախաղ են խաղում:
Նշենք, որ մրցաշարի մասնակիցները մոտ մեկ ամիս մարզվելու են Incourt թենիս ակումբում, ինչից հետո մասնակցելու են Corporate Cup-ին։ Հավելենք, որ Incourt-ի և Հայաստանի թենիսի ֆեդերացիայի կողմից կազմակերպված մրցաշարի ինֆորմացիոն գործընկեր Armsport-ը ևս մասնակցություն է ունենալու թենիսային տոնին։