Gazzetta dello Sport-ը հայտնում է, որ «Ռոմայի» 24-ամյա չեխ հարձակվող Պատրիկ Շիկը կարող է շարունակել կարիերան «Բայերում»: Գերմանական ակումբը լրջորեն հետաքրքրված է հարձակվողի ծառայություններով։
Հիշեցնենք, որ Պատրիկ Շիկը նախորդ մրցաշրջանում խաղում էր գերմանական Բունդեսլիգայում ՝ «ՌԲ Լայպցիգի» կազմում: Գերմանական ակումբի ղեկավարությունը հնարավորություն ուներ ձեռք բերել «Ռոմայի» հարձակվողի պայմանագիրը, բայց նրանք չօգտագործեցին այս տարբերակը:
Պատրիկ Շիկը բավականին լավ մրցաշրջան անցկացրեց Բունդեսլիգայում: «ՌԲ Լայպցիգի» կազմում անցկացրած 22 խաղում Շիկը հասցրել է 10 գոլի և չորս գոլային փոխանցման հեղինակ դառնալ:
Նախկինում Պատրիկ Շիկը խաղացել է նաև «Սամպդորիայի» կազմում, իսկ չեխական ակումբներից՝ «Բոհեմիանսի» և «Սպարտայի»: Չեխիայի հավաքականի մարզաշապիկով Պատրիկը անցկացրել է 22 հանդիպում և խփել ինը գոլ: