2012 թվականի Օլիմպիական խաղերի հաղթող, ճապոնացի սուսերամարտիկ Ռյո Միյակին հայտարարել է, որ Տոկիո-2020 ՕԽ-ն տեղափոխվելուց հետո առաքիչ է աշխատում սննդի առաքման ծառայություններից մեկում: Այդ մասին հայտնում է Reuters-ը:
«Ես պետք է փող աշխատեմ, որպեսզի հետագայում կարողանամ մրցումների գնալ: Ինձ համար նույնպես կարևոր է նաև պահպանել մարզավիճակը: Սննդամթերքի առաքումը Տոկիոյի լեռնոտ տարածքներում շատ լավ մարզում է», — ասել է Միյակին:
Համաճարակի ընթացքում 29-ամյա մարզիկը երեք հովանավորներից խնդրել է դադարեցնել պայմանագրերը նրա հետ: «Ինձ թվում է՝ սխալ էր նման իրավիճակում հովանավորներից գումար ստանալը», — ասել է նա:
Մարտի վերջին Ճապոնիայի վարչապետ Սինձո Աբեն և Միջազգային օլիմպիական կոմիտեի (ՄՕԿ) ղեկավար Թոմաս Բախը բանակցություններ են վարել, ինչը հանգեցրել է 2020-ին Տոկիոյում ամառային խաղերի կազմակերպման անհնարինության: Մրցաաշարը հետաձգվեց հաջորդ տարի: Օլիմպիական խաղերը պետք է անցկացվեն 2021 թվականի հուլիսի 23-ից օգոստոսի 8-ը:
Խաղերի հետաձգումից հետո Բախը նշել է, որ ՄՕԿ-ին սպասվում է մի քանի հարյուր միլիոն դոլար լրացուցիչ ծախսեր: Ըստ կազմակերպության նախագահի, վերջնական գումարը դեռևս չի հաշվարկվել:
