Իտալիայի Սերիա Ա-ի 2026/27 թթ. մրցաշրջանի 12-րդ տուրում գործող չեմպիոն Միլանի «Ինտերը» հյուրընկալվելիս գոլառատ ու դրամատիկ պայքարում ոչ-ոքի խաղաց Բերգամոյի «Ատալանտայի» հետ (4-4)։
Հանդիպման մեկնարկում հյուրերը երկու գնդակի առավելություն ստացան Ֆրանչեսկո Պիո Էսպոզիտոյի դուբլի շնորհիվ, որն աչքի ընկավ 16-րդ և 32-րդ րոպեներին (0-2)։ Ընդամենը երեք րոպե անց՝ 35-րդ րոպեին, Էլիֆ Էլմասը կրճատեց հաշվի տարբերությունը՝ ձևակերպելով առաջին խաղակեսի վերջնական հաշիվը (1-2)։ Երկրորդ կեսի սկզբնամասում՝ 52-րդ րոպեին, Էսպոզիտոն ձևակերպեց հեթ-տրիկ և կրկին վերականգնեց միլանցիների երկու գնդակի առավելությունը (1-3)։ 72-րդ րոպեին Շառլ Դե Կետելարեն կրկին մինչև նվազագույնի հասցրեց տանտերերի հետամնացությունը, սակայն չորս րոպե անց՝ 76-րդ րոպեին, Պետար Սուչիչն անվրեպ իրացրեց 11-մետրանոց հարվածը (2-4)։ 80-րդ րոպեին Դե Կետելարեն Ջոնաթան Ռոուի փոխանցումից հետո դուբլ ձևակերպեց, իսկ ավելացված ժամանակում՝ 90+1-րդ րոպեին, Ֆրանկ Կեսիեն անվրեպ իրացրեց նշանակված 11-մետրանոց հարվածը՝ բերգամացիներին փրկելով պարտությունից (4-4)։
Նշենք է, որ Հայաստանի ազգային հավաքականի նախկին ավագ Հենրիխ Մխիթարյանը մասնակցեց հանդիպմանը մեկնարկային րոպեներից և «ներաձուրիի» կազմում խաղադաշտում անցկացրեց 77 րոպե՝ իր տեղը զիջելով Ալեքսանդար Ստանկովիչին։
Այս ոչ-ոքիից հետո «Ինտերը» վաստակած միավորների քանակը հասցրեց 29-ի և զբաղեցնում է մրցաշարային աղյուսակի 3-րդ հորիզոնականը՝ 3 միավորով զիջելով առաջատար «Լացիոյին» և 1 միավորով՝ 2-րդ տեղում ընթացող «Ռոմային», իսկ «Ատալանտան» 15 միավորով բարձրացավ 12-րդ տեղ։
Գոլերը` ԱՅՍՏԵՂ
Սերիա Ա-ի մրցաշարային աղյուսակը՝ ստորև․


























































