Գերմանիայի Բունդեսլիգայի 2026/27 մրցաշրջանի 10-րդ տուրի մեկնարկային խաղում գործող չեմպիոն Մյունխենի «Բավարիան» սեփական հարկի տակ ոչ-ոքի խաղաց «Քյոլնի» հետ (1-1)։
Հանդիպման հաշիվը 12-րդ րոպեին բացեցին հյուրերը՝ Մայքի Մուրի խփած գոլի շնորհիվ։ Ընդամենը ութ րոպե անց՝ 20-րդ րոպեին, մյունխենցիները լուրջ կորուստ կրեցին. թիմի առաջատար հարձակվող Հարի Քեյնը վնասվածքի պատճառով չկարողացավ շարունակել հանդիպումն ու լքեց խաղադաշտը։ Այնուամենայնիվ, դաշտի տերերին հաջողվեց մինչև ընդմիջում վերականգնել հաշվի հավասարությունը. 37-րդ րոպեին աչքի ընկավ Նաթանիել Բրաունը (1-1)։ Երկրորդ խաղակեսի մեկնարկում՝ 46-րդ րոպեին, «Բավարիայի» կազմում վնասվածք ստացավ ևս մեկ առաջատար՝ Մայքլ Օլիսեն, որը ևս հարկադրված փոխարինվեց։ Հանդիպման մնացած ժամանակահատվածում դարպասի նոր գրավումներ չարձանագրվեցին։
Այս ոչ-ոքիից հետո «Բավարիան» վաստակած միավորների քանակը հասցրեց 22-ի և շարունակում է գլխավորել մրցաշարային աղյուսակը՝ ընդամենը մեկ միավորով գերազանցելով մեկ խաղ պակաս անցկացրած Դորտմունդի «Բորուսիային», իսկ «Քյոլնը» 10 միավորով զբաղեցնում է 14-րդ հորիզոնականը։
Գոլերը՝ ԱՅՍՏԵՂ
Բունդեսլիգայի մրցաշարային աղյուսակը՝ ստորև․




























































