«Բավարիայի» հարձակվող Հարի Քեյնը ռեկորդ է սահմանել Անգլիայի ազգային հավաքականի կազմում անցկացրած հանդիպումների քանակով։
33-ամյա ֆուտբոլիստը մեկնարկային կազմում է ընդգրկվել Խորվաթիայի դեմ Ազգերի լիգայի հանդիպմանը, որն այսօր՝ նոյեմբերի 12-ին, անցկացվում է Լոնդոնի «Ուեմբլի» մարզադաշտում։
Այս հանդիպումը Քեյնի համար 126-րդն է Անգլիայի հավաքականի կազմում։ Այս ցուցանիշով նա առաջ է անցել ազգային թիմի նախկին դարպասապահ Պիտեր Շիլթոնից, որը 1970-1990 թվականներին անցկացրել է 125 հանդիպում։
Քեյնը Անգլիայի հավաքականում նորամուտը նշել է 2015 թվականի մարտին։ Նա նաև ազգային թիմի պատմության լավագույն ռմբարկուն է՝ իր հաշվին ունենալով 91 գոլ։
