«Ասթոն Վիլայի» գլխավոր մարզիչ Ունաի Էմերին ՈւԵՖԱ-ի Սուպերգավաթի խաղից հետո կիսվել է ՊՍԺ-ի վրացի վինգեր Խվիչա Կվարացխելիայի ելույթի վերաբերյալ իր տպավորություններով։
Հիշեցնենք, որ փարիզյան ակումբը 2-1 հաշվով հաղթանակ էր տարել և տիրացել տիտղոսին, իսկ վրացի ֆուտբոլիստը հանդիպման 20-րդ րոպեին դարձել էր առաջին գոլի հեղինակը։
«Խվիչան գոլ խփեց իրեն հատուկ ոճով, թեև մենք փորձում էինք անել ամեն ինչ՝ նրան խանգարելու համար։ Ֆանտաստիկ կատարում էր։ Որոշողը ես չեմ, բայց կարծում եմ՝ նա միանգամայն կարող է նվաճել «Ոսկե գնդակը»,- հետխաղյա ասուլիսի ժամանակ հայտարարել է Էմերին։
Նշենք, որ նախորդ մրցաշրջանում Կվարացխելիան օգնել էր ՊՍԺ-ին հաղթել Չեմպիոնների լիգայում և ճանաչվել էր մրցաշարի լավագույն ֆուտբոլիստ՝ դառնալով 10 գոլի և 6 գոլային փոխանցման հեղինակ։
