Բրազիլացի լեգենդար հարձակվող Ռոմարիոն հարգանքի տուրք է մատուցել Ֆրանկո Բարեզիին՝ անվանելով նրան ամենաբարդ պաշտպանը, որի հետ երբևէ բախվել է խաղադաշտում։
Ֆուտբոլիստները մրցել են 1994 թվականի աշխարհի առաջնության եզրափակիչում՝ Պասադենայի «Ռոուզ Բոուլ» մարզադաշտում։ Այն ժամանակ Բարեզին, մենիսկի վնասվածքից ապաքինվելով վճռորոշ խաղից ընդամենը երեք շաբաթ առաջ, կարողացավ ամբողջությամբ չեզոքացնել Ռոմարիոյի կողմից եկող վտանգը։ Այդ եզրափակիչն ավարտվեց հետխաղյա 11-մետրանոց հարվածաշարով, որտեղ ավելի ուժեղ գտնվեց Բրազիլիան։
«Տղաներ, այսօր ֆուտբոլն արթնացավ մեծ տխրությամբ. կյանքից հեռացել է Ֆրանկո Բարեզին։ Երբ ես խաղում էի ՊՍՎ-ում, մենք երկու անգամ հանդիպեցինք «Միլանին», և ես արդեն այն ժամանակ հասկացա, որ Բարեզին անհավանական ֆուտբոլիստ է։ Ապա մենք կրկին հանդիպեցինք 1994 թվականի աշխարհի առաջնության եզրափակիչում՝ մեր կյանքի ամենակարևոր հանդիպումներից մեկում։
Կարող եմ ասել առանց կասկածի նշույլի. նա իմ կարիերայի ամենաբարդ մրցակիցն էր։ 1997 թվականին ես պատիվ ունեցա մասնակցելու նրա հրաժեշտի խաղին։ Այս տղան այլ մակարդակի վրա էր։ Նա «Միլանի» և Իտալիայի հավաքականի խորհրդանիշն էր, պատմության մեծագույն պաշտպաններից մեկը»,- Ռոմարիոյի խոսքերն է մեջբերում Football Italia-ն։
Հիշեցնենք, որ երեկ՝ հուլիսի 31-ին, հայտնի դարձավ, որ 66 տարեկան հասակում կյանքից հեռացել է Իտալիայի ազգային հավաքականի և «Միլանի» լեգենդար պաշտպան Ֆրանկո Բարեզին։
