Պորտուգալիայի ազգային հավաքականի հարձակվող Կրիշտիանու Ռոնալդուն կիսվել է ԱԱ-2026-ի 1/8 եզրափակիչում Իսպանիայի դեմ կայանալիք հանդիպման սպասումներով։
Հուլիսի 6-ին նախատեսված դիմակայությունից առաջ պորտուգալացի աստղը մրցակցին համարել է ֆավորիտ, ինչպես նաև անդրադարձել Իսպանիայի հավաքականի հարձակվող Լամին Յամալին։
«Ես միշտ Իսպանիային համարել եմ շատ տաղանդավոր թիմ՝ անկախ սերնդափոխությունից: Նրանց միշտ տեսել եմ որպես բոլոր մրցաշարերում հաղթանակի հիմնական հավակնորդներից մեկը: Վաղվա խաղը չափազանց բարդ է լինելու. մեզանից կպահանջվի մեծ հավատ, անընդհատ շարժունակություն և խիզախություն: Սա հաղթանակի հասնելու միակ ճանապարհն է:
Տեսականորեն Իսպանիան ֆավորիտ է, քանի որ նախկինում արդեն հաղթել է Աշխարհի առաջնությունում և ավելի շատ տիտղոսներ ունի, քան Պորտուգալիան: Ինձ դուր է գալիս խաղալ Իսպանիայի հավաքականի դեմ. բազմիցս եմ մրցել նրանց հետ, և դրանք միշտ շատ լարված հանդիպումներ են եղել: Վաղը բացառություն չի լինի: Կհաղթի նա, ով ավելի մեծ ուշադրություն կդարձնի դետալներին: Հուսով եմ՝ դա կլինի Պորտուգալիան: Ես նման ներքին զգացողություն ունեմ, բայց վաղը կտեսնենք»,- նշել է Ռոնալդուն:
