UFC-ի թեթև քաշային կարգի դասակարգման առաջին համար, Հայաստանը ներկայացնող Արման Ծառուկյանը պատասխանել է այն հարցին, թե ում կցանկանար ավելի շատ հաղթել՝ Իսլամ Մախաչևի՞ն, թե՞ Իլյա Թոփուրիային։
Մախաչևը UFC-ի կիսամիջին քաշային կարգի գործող չեմպիոն է, իսկ Թոփուրիան՝ թեթև քաշային կարգի։
— Ու՞մ եք ավելի շատ ուզում հաղթել՝ Իսլամին, թե՞ Իլիային։
«Հենց հիմա՝ Իլիային»։
— Նույնիսկ Իսլամի հետ ձեր պատմությանը հակառա՞կ։
«Այո, մենք պատմություն ունենք Իսլամի հետ։ Բայց նա տեղափոխվեց կիսամիջին քաշային կարգ և դեռևս չունի վերադառնալու ծրագրեր»։
— Ու՞մ այլևս տանել չեք կարողանում և ինչո՞ւ։
«Իլյա Թոփուրիային, քանի որ նա կեղծ է»,— ասել է Ծառուկյանը Արիել Հելվանիի հետ հարցազրույցում։
Հիշեցնենք, որ նոյեմբերի 22-ին Ծառուկյանը Դոհայում կայացած UFC Fight Night 265 մրցաշարի գլխավոր մենամարտում տպավորիչ հաղթանակ տարավ նույն քաշային կարգի դասակարգման 6-րդ համար Դեն Հուկերի նկատմամբ։ Երկրորդ ռաունդում Արմանը խեղդող հնարքով պարտության մատնեց նորզելանդացուն՝ վաղաժամ ավարտելով մենամարտը։
