«Ռեալի» նախկին դարպասապահ Կիկո Կասիլյան խոսել է Կրիշտիանու Ռոնալդուի առատաձեռնության մասին։
«Ռոնալդուն ֆենոմեն է, բացառիկ անհատականություն։ Նա օգնում է նույնիսկ ակադեմիայի երեխաներին։ Խնդրեք նրանից ցանկացած բան՝ նա կհամաձայնի։
ԱՄՆ-ում նախամրցաշրջանային հավաքի ժամանակ Ռոնալդուն ամբողջ անձնակազմին՝ ֆիզիոթերապևտներին, անվտանգության աշխատակիցներին և այլոց, նվիրել է նոր iPhone-ներ և Apple Watch-եր։ Նա միշտ գնահատում և շնորհակալություն է հայտնում բոլորին», – ասել է Կասիլյան The After Show հաղորդման ժամանակ։
Այժմ Կրիշտիանու Ռոնալդուն հանդես է գալիս սաուդյան «Ալ-Նասրի» կազմում՝ վերջերս երկարաձգելով պայմանագիրը ևս երկու տարով։
