Հայաստանի հավաքականի դեմ ՈւԵՖԱ Ազգերի լիգայի շրջանակում պատասխան խաղից առաջ, մամուլի ասուլիսի ժամանակ մեկնաբանություն է տվել Վրաստանի ազգային ընտրանու առաջատար Խվիչա Կվարացխելիան.
«ՊՍԺ-ում ես իսկապես երջանիկ եմ: Այնտեղ, որտեղ քեզ հարգանքով են վերաբերվում, անկասկած երջանիկ կլինես: Այդպես է նաև Վրաստանի հավաքականում:
Մխիթարյանի հետ հավաքականի մասին չենք խոսել: Դիտում էի Հայաստանի հավաքականի խաղերը: Նրանք լավ են խաղում, զարգանում են, և հուսով եմ, որ ապագայում ավելի շատ հնարավորություններ կունենան:
Այդ պատմական խաղից հետո առաջին անգամ խաղալու ենք «Դինամո Արենայում»: Այստեղ շատ դրական հույզեր ենք ունեցել, և ուրախ ենք, որ վերադառնում ենք:
ՊՍԺ-ն շատ բան է տվել ինձ: Նրանք օգնում են ինձ ավելի շատ աշխատելու համար: Լուիս Էնրիկեի հետ աշխատելը հետաքրքիր է: Թիմում լավ տրամադրություն է: Այս ամենը ինձ նաև հավաքականում է օգնում:
Ես և Միկաուտաձեն միմյանց հետ չենք մրցում, կարևորն այն է, որ միասին շատ գոլեր խփենք հավաքականի համար:
Շնորհակալ եմ Իտալիային, այնտեղ ինձ ջերմ ընդունեցին, և երեք լավ տարի անցկացրեցի: Վրացական ֆուտբոլում ամեն ինչ լավ է ընթանում, շատ երեխաներ ցանկանում են ֆուտբոլիստ դառնալ, և շատ տաղանդներ կհայտնվեն: Հնարավոր է, հիմա, օրինակ, Արգենտինան մեզնից առաջ լինի, բայց մենք լեգենդար ֆուտբոլիստներ ունեցել ենք և կրկին կունենանք:
Իմ եղբայրը կարող է մեծ ֆուտբոլ խաղալ, ամեն ինչ նրանից է կախված»:
Աղբյուրը՝ Sportall.ge
