2026 թվականի Աշխարհի առաջնությունը կարող է վերածվել քաղաքական շոուի, որտեղ ՖԻՖԱ-ի նախագահ Ջանի Ինֆանտինոն և ԱՄՆ նախագահ Դոնալդ Թրամփը կօգտագործեն այն իրենց հեղինակությունն ամրապնդելու համար, այս մասին գրում է The Guardian-ը։
Վերջերս Սպիտակ տանը նրանք հայտարարեցին նոր հանձնաժողովի ստեղծման մասին՝ մրցաշարի կազմակերպչական խնդիրները լուծելու համար, սակայն շատերի համար սա Թրամփի անձնական շոուի հերթական դրսևորումն էր։
Թրամփը ստացավ ակումբային Աշխարհի գավաթի ոսկե մրցանակը, իսկ Ինֆանտինոն խոստացավ հսկայական տնտեսական օգուտներ՝ առանց հստակ աղբյուր նշելու։
Միջոցառման ընթացքում Թրամփը սխալմամբ հայտարարեց, որ Աշխարհի առաջնությունը երբևէ չի անցկացվել այս տարածաշրջանում՝ մոռանալով 1970, 1986 և 1994 թվականների Մունդիալները։
ՖԻՖԱ-ն նաև հայտնեց, որ առաջին անգամ Աշխարհի առաջնության եզրափակիչի ընթացքում կլինի ընդմիջման շոու՝ ամերիկյան սպորտային մշակույթից ներշնչված։
Բացի այդ, Ինֆանտինոն ներկա էր Սպիտակ տան կրիպտո գագաթնաժողովին, որտեղ հայտարարեց, որ ՖԻՖԱ-ն նախատեսում է ստեղծել սեփական կրիպտոարժույթ՝ «Fifa Coin»։
Այս ամենը ցույց է տալիս, որ 2026 թվականի Աշխարհի առաջնությունը կարող է վերածվել ոչ թե ֆուտբոլային տոնի, այլ քաղաքական և տնտեսական շահերի սպասարկման հարթակի։
