Հայաստանի ազգային հավաքականի և Մոսկվայի «Լոկոմոտիվի» պաշտպան Նաիր Թիկնիզյանը խոսել է ընթացիկ մրցաշրջանում արդյունավետ գործողություններով ոչ այնքան հաճախ աչքի ընկնելու և դրանց պատճառների մասին։
«Համեմատած նախորդ մրցաշրջանի, ես հիմա այնքան էլ վառ տեսք չունեմ: Ես շատ ավելի քիչ եմ այժմ արդյունավետ գործողություններով աչքի ընկնում, բայց ես չեմ ընկճվում դրա պատճառով: Փորձում եմ չկենտրոնանալ անհատական գործողությունների վրա։
Ես հասկանում եմ, որ թիմային խաղացող եմ և փորձում եմ այնպես անել, որ ակումբն ու ազգային հավաքականը հաղթեն։ Իմ գոլերը կամ գոլային փոխանցումները բոնուս են: Բայց եթե դա երկար ժամանակ չի լինում, ուրեմն պետք է դիմանալ ու շարունակել աշխատել»,- Թիկնիզյանի խոսքերն է մեջբերում Metaratings.ru-ն։
Ընթացիկ մրցաշրջանում 25-ամյա խաղացողը «երկաթուղայինների» կազմում մասնակցել է 19 հանդիպման՝ դառնալով 2 գոլի և 3 գոլային փոխանցման հեղինակ։
