«Յուվենտուսի» գործադիր տնօրեն Մաուրիցիո Սկանավինոն ասել է, որ ակումբը բանակցություններ է վարում ֆրանսիացի կիսապաշտպան Պոլ Պոգբայի հետ պայմանագիրը խզելու համար՝ խաղացողի՝ ֆուտբոլային գործունեությունից հակադոպինգային կանոնների խախտման պատճառով հեռացվելու պատճառով։
«Ես կարող եմ հաստատել, որ մենք բանակցություններ ենք վարում Պոլ Պոգբայի և նրա շրջապատի հետ։ Որոշումն արդեն պարզ է, մնում է պայմանավորվել պայմանների շուրջ։ Կարող եմ հայտնել, որ Պոգբան կլքի «Յուվենտուսը» և կդառնա ազատ գործակալ»,- Սկանավինոյի խոսքը մեջբերում է լրագրող Ֆաբրիցիո Ռոմանոն X սոցիալական ցանցում (նախկինում՝ Twitter):
Հիշեցնենք, որ նախորդ տարվա օգոստոսին ֆրանսիացի կիսապաշտպանը դրական դոպինգ թեստ էր հանձնել։ Փետրվարի 29-ին հակադոպինգային դատարանը հաստատել էր ֆուտբոլիստին չորս տարով որակազրկելու որոշումը։ Այն բանից հետո, երբ դատարանը որոշեց հեռացնել Պոգբային, նա վերաքննիչ բողոք էր ներկայացրել։ Բողոքարկումից հետո Մարզական արբիտրաժային դատարանը (CAS) որոշեց կրճատել որակազրկման ժամկետը մինչև 18 ամիս:
