Ավելի վաղ արդեն գրել էինք, որ Բրազիլիայի երիտասարդական հավաքականի մի քանի ֆուտբոլիստ տեղափոխվել է Սաուդյան Արաբիայի առաջնություն։
Բրազիլացի կենտրոնական հարձակվող Մարկոս Լեոնարդոն «Բենֆիկայից» տեղափոխվել է «Ալ-Հիլալ»։ Ակումբի նորեկը հինգ տարվա պայմանագիր է կնքել, իսկ սաուդյան ակումբը 21-ամյա հարձակվողի տրանսֆերի համար վճարել է 40 մլն եվրո։
Լոնդոնի «Չելսին» պաշտոնապես հայտարարել է բրազիլացի 19-ամյա հարձակվող Անջելո Գաբրիելի՝ Սաուդյան Արաբիայի «Ալ-Նասր» տեղափոխության մասին։ Transfermarkt-ի ներկայացված տեղեկատվության համաձայն՝ սաուդյան ակումբը հարձակվողի տրանսֆերի համար վճարել է 23 մլն եվրո։
Բացի վերը նշված ֆուտբոլիստներից՝ այս ամառ Սաուդյան Արաբիայի առաջնություն են տեղափոխվել նաև Բրազիլիայի երիտասարդական հավաքականի ևս մի շարք ֆուտբոլիստներ։
Օրեր առաջ 19-ամյա վինգեր Ուեսլին «Կորինտիանսից» տեղափոխվել էր «Ալ Նասր»․ գործարքի արժեքը կազմել էր 18 մլն եվրո։ Կենտրոնական պաշտպան Ռոբերտ Ռենանը «Զենիթից» վարձավճարով տեղափոխվել է «Ալ Շաբաբ»։ Ռենանը նաև Բրազիլիայի ազգային հավաքականի թեկնածու է։
«Ալ Իթիֆակի» կազմն է համալրել «Ռոմայի» արդեն նախկին վինգեր Ժոաու Կոստան, ով նախկինում հանդես է եկել Պորտուգալիայի Մ19 հավաքականում, իսկ այս տարի հրավիրվել է Բրազիլիայի երիտասարդական հավաքական։
Ավելի վաղ «Ալ Ահլիի» կազմը համալրել էր Բրազիլիայի երիտասարդական հավաքականի ևս մեկ ֆուտբոլիստ՝ հենակետային կիսապաշտպան Ալեքսանդրը, ով սաուդյան ակումբ էր տեղափոխվել «Ֆլումինենսեից»։
