«Ֆիորենտինայի» գլխավոր մարզիչ Վինչենցո Իտալյանոն մեկնաբանել է այն լուրը, ըստ որի՝ «Նապոլիի» նախագահ Աուրելիո Դե Լաուրենտիսը ցանկանում է իրեն առաջարկել նեապոլյան թիմի գլխավոր մարզչի պաշտոնը։
«Կարծում եմ, որ անցյալ ամռանը Դե Լաուրենտիսը զանգահարել էր ակումբ, և նրան թույլ չէին տվել կապ հաստատել ինձ հետ, ուստի նա հրաժարվեց: Նա իրեն ջենթլմենի պես էր պահում, ես նախկինում էլ մեծ հարգանք էի տածում նրա նկատմամբ, և դա միայն մեծացավ այն բանից հետո, երբ իմացա այդ զանգի մասին»,- Italiano-ի խոսքերն է մեջբերում NapoliToday-ը:
«Նապոլին» այս մրցաշրջանում փոխել է երեք գլխավոր մարզչի։ Ռուդի Գարսիան թիմի հետ աշխատել է մրցաշրջանի սկզբում, սակայն 2023 թվականի նոյեմբերին հեռացվել է աշխատանքից։ Այնուհետև նրան փոխարինել է Վալտեր Մացարին, որը նույնպես չի կարողացել ավարտել մրցաշրջանը և հեռացվել է 2024 թվականի փետրվարին։ Թիմն այժմ գլխավորում է Ֆրանչեսկո Կալցոնան։
Վինչենցո Իտալյանոն գլխավորում է «Ֆիորենտինան» 2021 թվականից։
