«Նոայի» գլխավոր մարզիչ Կառլոս Ինարեխոսը ճանաչվել է IDBank Հայաստանի Պրեմիեր լիգայի փետրվար/մարտի լավագույն մարզիչ:
Մարզիչը շնորհակալություն է հայտնել մրցանակի համար․
«Շնորհակալություն IDBANK Պրեմիեր լիգային այս մրցանակի համար: Ֆուտբոլը թիմային մարզաձև է, և այս կոչումը ստանալն անհնարին կլիներ առանց գործընկերներիս հավաքական ջանքերի: Հատուկ շնորհակալություն եմ հայտնում մեր մարզիկներին, որոնք իսկապես առանձնահատուկ են. իմ անձնակազմին՝ Վիտորին, Դանիին, Միրոտոյին, Ռոմանին, Գևորգին և Ալեքին, մեր սպորտային տնօրեն Արթուրին և համակարգող Վարդանին։
Ես նաև ցանկանում եմ գնահատել ակումբում ներգրաված բոլոր աշխատակիցների քրտնաջան աշխատանքը, այդ թվում՝ հագուստի պատասխանատուների, բժշկական բաժանմունքի, ադմինիստրատորների, մարկեթինգի թիմի, այգու աշխատողների և բոլոր մյուսների, ովքեր իրենց ներդրումն են ունենում: Սրտանց շնորհակալ եմ «Նոա» ՖԱ-ի հրաշալի երկրպագուներին և մեր նախագահ Վարդգես Վարդանյանին, ում աջակցությունը մեզ համար շատ կարևոր է: Առանց այս ընտանիքի մեր ոչ մի ձեռքբերում հնարավոր չէր լինի:
Շնորհակալ եմ, «Նոայի» ընտանիք ինձ օրեցօր ավելի լավը դարձնելու համար: Ես իսկապես շնորհակալ եմ բոլորիդ»,- մարզչի խոսքերն է փոխանցում ակումբի մամուլի ծառայությունը։