Միանգամից 5 ֆուտբոլիստ այս պահի դրութամբ գլխավորում է ԱԱ-2022-ի ռմբարկուների մրցավազքը։
Կոդի Գակպոն (Նիդերլանդներ), Մարկուս Ռեշֆորդը (Անգլիա), Էներ Վալենսիան (Էկվադոր)․ Ալվարո Մորատան (Իսպանիա) և Կիլիան Մբապեն (Ֆրանսիա) իրենց ակտիվում այս պահին ունեն երեքական գնդակ։
Այս ֆուտբոլիստներից միայն Վալենսիան է, որի թիմն ավարտել է ելույթներն ԱԱ-ում։ Իսկ Գակպոն և Մորատան աչքի են ընկել խմբային փուլի բոլոր երեք հանդիպումներում։
Գոլային փոխանցումների քանակով լավագույնն Անգլիայի հավաքականի հարձակվող Հարի Քեյնն է, ով երեք անգամ օգնել է իր թիմակիցներիմ գրավել մրցակցի դարպասը։
Հավաքականներից ամենաարդյունավետն այս պահի դրությամբ Անգլիան և Իսպանիան են՝ 9-ական գոլ։ Բելգիան, Դանիան, Թունիսը, Կատարը և Ուելսն այս մրցաշարում միայն մեկ գնդակ են խփել։
Կոստա Ռիկան 11 գնդակ է ընդունել սեփական դարպասը, իսկ Սերբիան՝ 8։ Նիդերլանդները, Բրազիլիան, ԱՄՆ-ն, Թունիսը, Մարոկկոն, Խորվաթիան ընդամենը մեկ գնդակ են ընդունել սեփական դարպասը։