Vbet Հայաստանի Պրեմիեր լիգաի 5-րդ տուրի շրջանակում «Ուրարտուն» իր հարկի տակ ընդունել էր առաջնության նորեկ «Լեռնային Արցախ» ֆուտբոլային ակումբին։ Հանդիպումն ավարտվել է 2-3 հաշվով՝ հօգուտ հյուրերի։ Երևանյան թիմի կազմում գոլի հեղինակներ են դարձան Կարեն Մելքոնյանն ու Ժիրայր Մարգարյանը, «Լեռնային Արցախից» աչքի է ընկել Խուան Պալասիոն, և երկու ինքնագոլի հեղինակ է դարձել Ժիրայր Մարգարյանը։
Հանդիպումը մեկնարկել է վերջերս Եվրոպայի առաջնությանը մասնակցած հայ մարմնամարզիկների՝ մարմնամարզության Եվրոպայի կրկնակի չեմպիոն Հարություն Մերդինյանը, Եվրոպայի երիտասարդների չեմպիոն Էրիկ Բաղդասարյանն ու Եվրոպայի երիտասարդական առաջնության կրկնակի արծաթե մեդալակիր Համլետ Մանուկյանի խորհրդանշական հարվածով։
Խաղակեսի առաջին րոպեները շատ լարված են ստացվել, Ժիրայր Մարգարյանի անհաջող հարվածից հետո, որը հեշտությամբ որսացել է հյուրերի դարպասապահ Վյաչեսլավ Գրիգորյանը, հակագրոհի արդյունքում «Լեռնային Արցախի» ֆուտբոլիստներն արդեն բացել են հանդիպման հաշիվը։ 7-րդ րոպեին աչքի է ընկել Խուան Պալասիոն։
Բաց թողած գոլից հետո «Ուրարտուի» ֆուտբոլիստները սկսել են ավելի մեծ ճնշում գործադրել մրցակիցի վրա։ Արդյունքում 15-րդ րոպեին Կարեն Մելքոնյանը դիպուկ հարվածով գնդակն ուղարկել է հյուրերի դարպասը։ Թիմի ճնշումն ու բազմաթիվ դիրքային գրոհները սկսել են արդյունք տալ։ 26-րդ րոպեին գնդակի անթերի խաղարկումից հետո Ժիրայր Մարգարյանը նախ փոխանցում է կատարել տուգանային հրապարակ, սակայն պաշտպաններից գնդակի անդրադարձից հետո թիմի ավագը կրկին առաջ է շարժվել ու այս անգամ որոշել հարվածել, որն էլ երկրորդ գոլն է բերել «Ուրարտուին»: Հատկանշական է, որ սա Մարգարյանի առաջին գոլն է «Ուրարտուի» կազմում։
Մինչ խաղակեսի ավարտը «Ուրարտուի» տղաները չէին թողնում մրցակցին հանգստանալ՝ անընդհատ ստիպելով նրանց նահանջել։ Հյուրերն էլ իրենց հերթին պահեր ունենում էին, բայց դրանցից օգտվել չէին կարողանում։ Թիմերն ընդմիջման են գնացել 2-1 հաշվի պայմաններում։
Երկրորդ խաղակեսը շարունակել է առաջինի սցենարը, պայքարը խաղադաշտում շարունակական էր: 64-րդ րոպեին մրցակցի տուգանային հրապարակում չեզոքացվել է «Ուրարտուի» խաղացողների միանգամից երեք գրոհ։ Բայց արդեն 71-րդ րոպեին մրցակցի գրոհի ժամանակ գնդակն անդրադարձի հետևանքով հայտնվել է «Ուրարտուի» դարպասում։ 9 րոպե անց «Ուրարտուի» ֆուտբոլիստները թույլ են տվել հերթական սխալը․ երկրորդ ինքնագոլի հեղինակը դարձել է Ժիրայր Մարգարանը։ Խաղը փրկել թիմին չի հաջողվել, արդյունքում, «Ուրարտուն» կրել է այս մրցաշրջանի երկրորդ պարտությունը՝ 2-3։
Այս խաղից հետո «Ուրարտուն» 9 միավորով ՀՊԼ մրցաշարային աղյուսակի 3-րդ հորիզոնականն է զբաղեցնում, իսկ «Լեռնային Արցախը» 7 միավորով 5-րդն է:
Թիմերը հանդես են եկել հետևյալ կազմերով.
«Ուրարտու»․ 24. Արսեն Բեգլարյան, 36․ Խարիտոն Այվազյան, 30․ Էվերսոն Պերեյրա, 6․ Արման Ղազարյան, 88․ Ժիրայր Մարգարյան (ա), 8․ Ուգոչուկվու Իվու, 33․ Մարկոս Ժունիոր, 21․ Նարեկ Գրիգորյան, 10․ Կարեն Մելքոնյան, 90․ Օլեգ Պոլյակով, 18․ Լեոն Սաբուա։
Պահեստայիններ՝ 42. Ալեքսանդր Մելիխով, 67․ Վադիմ Պարամոնով, 34. Էրիկ Փիլոյան, 25. Էդգար Գրիգորյան, 29․ Համլետ Սարգսյան, 28․ Դավիթ Ղիասյան, 19․ Սերգեյ Մկրտչյան, 17. Տիգրան Այունց, 9․ Նարեկ Աղասարյան, 20. Գոռ Լուլուկյան, 38․ Դեյվիդի Բույու, 15․ Մաքսիմ Մայրովիչ։
«Լեռնային Արցախ»․ 23. Վյաչեսլավ Գրիգորյան, 6․ Արամ Կոստանդյան (ա), 7․ Նորիկ Մկրտչյան, 15․ Արթուր Խաչատրյան, 66․ Խուան Պալասիո, 27․ Աբաբակար Սոու, 11․ Յեիսոն Ռասինես, 10․ Նթոնե Վալդո, 3․ Բոբ Տոբի Ժոպե, 31․ Վլադիմիր Խարատյան, 20․ Սիմոն Օբոնդե։
Պահեստայիններ՝ 1․ Սերգեյ Ասրյան, 13․ Արման Հարությունյան, 2․ Մարատ Կարապետյան, 33․ Արամայիս Մարդիյան, 17․ Արարատ Չիլինգարյան, 8․ Տիգրան Սիմոնյան, 9․ Արսեն Հովհաննիսյան, 5․ Գոռ Պողոսյան, 21․ Վադիմ Հայրիյան, 77․ Մարվին Պերեա, 99․ Օլաոլուվա Օջետունդե, 12․ Միքայել Պեպրահ, 29․ Դանիել Պալոմեռա։
