«Ռոմայի» գլխավոր մարզիչ Ժոզե Մոուրինյուն խոսել է կրոնի ու հավատքի մասին։
«Մի քանի ամիս առաջ ես հազարերորդ խաղս անկցացրեցի մարզչի կարգավիճակում։
Անկասկած, ֆուտբոլն իմ ամբողջ կյանքը չէ, չնայած մարդիկ այդպես են մտածում։ Այն զգալի մասն է կազմում, բայց կա ինչ-որ ուրիշ, շատ ավելի կարևոր բան, քան ֆուտբոլը։
Ամենամեծ խոնարհությամբ ես Նրա հետ մեր հարաբերությունները ներկայացնում եմ որպես գրեթե ընկերական, մենք իրար հետ գրեթե «դու»-ով ենք խոսում։
Խաղի գնալը, նկատի ունեմ հյուրանոցից դուրս գալը, ավտոբուսով գնալը, հանդերձարան մտնելը, դաշտ դուրս գալը, ամեն անգամ շատ հոգևոր պահեր է պարունակում։ Դա սովորական ռեժիմ չէ։ Դա մի շատ գեղեցիկ բան է։ Այն օրը, երբ դադարեմ մարզել, ինձ ամենից շատ կպակասի հենց այս հոգևորը։ Ես առաջին անգամ եմ խոսում այս մասին․ խաղի գնալու ճանապարհին ես Աստծու հետ եմ խոսում։
Եվ ամեն անգամ Նրա հետ խոսելիս ասում եմ, որ իմ ընտանիքը տեղի ունեցող ամեն ինչից կարևոր է։ Ես Աստծուց օգնություն եմ խնդրում, եթե Նա ժամանակ ունի, բայց եթե ընտրություն պիտի կատարեմ այս խաղի ու իմ սիրած մարդկանց բարեկեցության միջև, ես միշտ երկրորդի կողմնակիցն եմ»,- ասել է Մոուրինյուն L’Osservatore Romano-ի հետ զրույցում։
