Շախմատի թիմային ԵԱ․ Տղամարդկանց հավաքականը հաղթեց Ֆրանսիային, կանանց հավաքականը պարտություն կրեց

Սլովենիայում շարունակվում է շախմատի Եվրոպայի թիմային առաջնությունը։ 5-րդ տուրում Հայաստանի հավաքականը 2,5:1,5 հաշվով հաղթեց Ֆրանսիայի ընտրանուն։

Մեր հավաքականից հաղթանակ տարան Ռոբերտ Հովհաննիսյանն ու Սամվել Տեր-Սահակյանը,  Հայկ Մարտիրոսյանը խաղաղ դաշն կնքեց մրցակցի հետ, իսկ Գաբրիել Սարգսյանը պարտվեց:

Հայաստանի հավաքականն ունի 8 միավոր։ Մրցաշարը կավարտվի նոյեմբերի 21-ին։

Իսկ կանանց Հայաստանի հավաքականը պարտվեց Վրաստանին՝ 1,5։2,5 հաշվով։

Լիլիթ Մկրտչյանը հաղթեց, Սիրանուշ Ղուկասյանը ոչ ոքի խաղաց, իսկ Էլինա Դանիելյանը և Աննա Սարգսյանը պարտություն կրեցին։  Հայաստանի հավաքականը 6 միավորով բաժանում է 8-12-րդ տեղերը։