Աֆրիկացի հսկան՝ «Ոսկե խաղակոշիկի» հավակնորդ․ Բելգիայի առաջնության նոր աստղը

Պոլ Օնուաչուն այս պահին հավանաբար Բելգիայի ընթացիկ առաջնության ամենամեծ սենսացիան է: «Գենկի» կենտրոնական հարձակվողը զարմանալի արդյունավետություն է ցույց տալիս:

2 մետր 1 սանտիմետր հասակ ունեցող 26-ամյա նիգերիացին իրեն հիանալի է զգում այս մարզաձևում։ «Աֆրիկացի հսկան» իր կարիերան սկսել է իր հարազատ «Էբեդեայում», որը պարբերաբար տաղանդներ է մատակարարում դանիական «Միդտյուլանդ»:

«Ես հույս ունեի, որ կապրեմ երկնաքերերում, ինչպես ԱՄՆ-ում կամ Դուբայում: Երբ մենք դուրս եկանք օդանավակայանից, ամեն տեղ անտառներ, ծառեր և ֆերմաներ էին երևում: Կա՞ այնտեղ ֆուտբոլային ակումբ»,- պատմում է նիգերիացի ֆուտբոլիտը:

Ավելի վաղ նա արտագաղթել էր Տոգո՝ ավելի լավ կյանք փնտրելու համար: Այնտեղ նա ստիպված էր գումար վաստակել որպես աղյուսագործ և փողոցային վաճառող, որպեսզի մի կտոր հաց վաստակի: Տղան հազիվ էր կարողանում ծայրը ծայրին հասցնել. «Ես համարյա հրաժարվեցի ֆուտբոլից: Հիմնական իրերի համար փողը քիչ էր»,- հիշում է ֆուտբոլիստը:

«Միդտյուլանդ»

«Միդտյուլանդի» մարզիչ Բրայան Պրիսկեն գրեթե միանգամից 18-ամյա խաղացողին տեղափոխեց «Գայլերի» առաջին թիմ (2012), բայց ադապտացվելու հետ կապված դժվարությունները լրջորեն դանդաղեցրեցին նրա առաջընթացը (22 խաղ, 1 գոլ երկու մրցաշրջանում): Նրան վարձավճարով ուղարկեցին դանիական մեկ այլ ակումբ՝ «Վեյլե»: Այնտեղ նա փայլեց ամբողջ ուժով, և վերադարձը «գայլերի ոհմակ» միայն ժամանակի հարց էր․․․ ՈւԵՖԱ-ի Եվրոպայի լիգայի 16-րդ տուրի «Մանչեսթեր Յունայթեդի» դեմ հանդիպումը (2016 թ. Փետրվարի 18-ը) շրջադարձային պահ է հանդիսանում տաղանդավոր հարձակվողի կարիերայում, որը կատարեց դանիական ակումբի պատմության մեջ ամենամեծ սխրանքը (2-1): Օնուաչուն հաղթական գոլը խփեց հանդիպման 77-րդ րոպեին:

«Գենկ»

Հաջորդ մրցաշրջանում նա տեղափոխվեց բելգիական ակումբ։ «Գենկի» կազմում իր դեբյուտային մրցաշրջանում նիգերիացին 29 հանդիպումներում 10 գոլ (9-ը առաջնությունում): Սակայն ընթացիկ մրցաշրջանում Պոլը իսկապես փայլում է ՝ 25 գոլ 29 խաղում։ Այս պահին նա «Ոսկե խաղակոշիկի» վարկանիշային աղյուսակի թոփ-10- ում է․ նրանից առաջ ընդամենը վեց հարձակվողներ են Եվրոպայում (Պելեգրինո, Մեսսի, Անդրե Սիլվա, Ռոնալդու, Յունկեր և Լևանդովսկի): Եթե չլիներ Բելգիայի առաջնության ցածր գործակիցը (1.5), Օնուաչուն շատ ավելի բարձր տեղում կլիներ. արդյունավետության տեսանկյունից նա չորրորդ ռմբարկուն է Եվրոպայում:

«Մենք նրան հետևում էինք հինգ-վեց տարի, բանակցությունները դանիական ակումբի հետ հեշտ չէին, քանի որ Օնուաչուն շատ պահանջված խաղացող էր: Յուրաքանչյուր ոք, ով Դանիայում 70 գոլ է խփում, կարող է դա անել Բելգիայում: Նա իսկական մարդասպան է մրցակցի դարպասների մոտ», — ֆուտբոլիստին գովաբանում է բելգիական ակումբի սպորտային տնօրեն Դիմիտրի դե Կոնդեն:

Ներկա պահին լուրեր են շրջանառվում, որ Պրեմիեր լիգայի մի քանի ներկայացուցիչներ արդեն հետևում են նիգերիացի ֆուտբոլիտի առաջընթացին: Հավանաբար, Օնուաչուն կդառնա առաջիկա տրանսֆերային պատուհանի ամենապահանջված ֆուտբոլիստներից մեկը․․․