Ռուսաստանի Պրեմիեր-լիգայի 24-րդ տուրում Եկատերինբուրգի «Ուրալը» 2-1 հաշվով հաղթել է «Տամբովին»: Հանդիպումը կայացել է Եկատերինբուրգում:
Հայաստանի ազգային հավաքականի և «Ուրալի» պաշտպան Վարազդատ Հարոյանը հայտավորված է եղել այս հանդիպմանը, սակայն այդպես էլ խաղաժամանակ չի ստացել:
Տանտերերի կազմում դուբլ է ձևակերպել Էրիկ Բիկֆալվին՝ նախ 20-րդ րոպեին անվրեպ իրացնելով 11-մետրանոցն, այնուհետև՝ 70-րդ րոպեին ձևակերպելով հանդիպման վերջնահաշիվը: «Տամբովի» կազմում 68-րդ րոպեին մեկ գնդակ հետ է բերել Միխայիլ Կոստյուկովը: Նշենք՝ 83-րդ րոպեին «Ուրալը» մնացել է 10 հոգով. 2-րդ դեղին քարտը ստանալով՝ դաշտից հեռացել է հենց Բիկֆալվին:
«Ուրալը», վաստակելով 28 միավոր, բարձրացել է ՌՊԼ-ի մրցաշարային աղյուսակի 10-րդ հորիզոնականը, իսկ «Տամբովը» 25 միավորով 13-րդ տեղում է:
