Իսպնական Պրիմերայի 11-րդ տուրում «Բարսելոնան» սեփական հարկի տակ ընդունել էր «Վալյադոլիդին»: Հանդիպումն ավարտվեց 5-1 հաշվով՝ հօգուտ «կապտանռնագույնների»:
Կատալոնական թիմի կազմում գոլերով մեկական անգամ աչքի ընկան Կլեման Լանգլեն, Արտուրո Վիդալը և Լուիս Սուարեսը, դուբլ ձևակերպեց Լիոնել Մեսսին: «Վալյադոլիդի» կազմում միակ գոլը խփեց Կիկոն:
Այս հաղթանակից հետո «Բարսելոնան» հավաքեց 22 միավոր ու գլխավորեց մրցաշարային աղյուսակը: «Վալյադոլիդը» 14 միավորով 9-րդ հորիզոնականում է:
