Հայաստանի Բարձրագույն խմբի առաջնության 21-րդ տուրում «Փյունիկը» ընդունել էր «Ուրարտուին». հյուրերը հաղթեցին 2-1 հաշվով: Խաղից հետո հեռավար կազմով ասուլիսին մասնակցել է «Փյունիկի» գլխավոր մարզիչ Ռոման Բերեզովսկին:
«Պարզ է, որ առաջնության եզրափակիչ հատվածն այնպես է դասավորվել, որ ստիպված ենք ավելի շատ երիտասարդ ֆուտբոլիստներ փորձարկել, ովքեր հետագայում կհամալրեն «Փյունիկի» հիմնական կազմը:
Այս հանդիպումների միջոցով տղաները փորձ ձեռք կբերեն: Այս սկզբունքով ենք առաջնորդվում, քանի որ մրցանակային տեղերի համար պայքար այժմ չենք տանում:
Սևակ Ասլանյանը և Դանիել Աղբայլանը առաջին հանդիպումն էին անցկացնում ԲԽ-ում:
Սևակը մի քանի անգամ փրկեց մեզ, Դանիելը մի քանի դրվագում դանդաղեց և վտանգավոր պահեր ստեղծեց մեր դարպասի մոտ, բայց դա նորմալ երևույթ է: Երիտասարդներին ժամանակ է պետք»,- ասել է Բերեզովսկին: