Հայտնի Forbes պարբերականը հրապարակել է մեր օրերի ամենաբարձր վարձատրվող մարզիկների ցանկը, որտեղ առաջին հորիզոնականը զբաղեցնում է թենիսիստ Ռոջեր Ֆեդերերը:
Շվեյցարացին մեկ տարվա ընթացքում 106,3 միլիոն դոլար է վաստակել:
Այն իր մեջ ներառում է մրցաշարերում տարած հաղթանակների և գովազդային պայմանագրերի դիմաց ստացած գումարները:
38-ամյա մարզիկը գովազդային պայմանագրրեր է կնքել 13 ընկերությունների հետ և յուրաքանչյուրի դիմաց ստացել ՝ 3-ից 30 միլիոն դոլար:
Երկրորդ հորիզոնականը զբաղեցրել է Թուրինի «Յուվենտուսի» պորտուգալացի հարձակվող Կրիշտիանու Ռոնալդուն, ով վաստակել է 105 միլիոն դոլար:
Երրորդ հորիզոնականը զբաղեցնում է «Բարսելոնայի» ավագ Լիոնել Մեսսին ՝ 104 միլիոն դոլար շահույթով:
Առաջին տասնյակում տեղ են գտել՝ Նեյմարը ( 95,5 միլիոն դոլար), Լեբրոն Ջեյմսը (88,2 միլիոն դոլար), Ստեֆան Քարին (74,4 միլիոն դոլար), Քևին Դուրանտը (63,9 միլիոն դոլար), Թայգեր Վուդսը (62,3 միլիոն դոլար), Կիրկ Կազինսը (ԱՄՆ, 60,5 միլիոն դոլար) և Կարսոն Վենտց (59,1 միլիոն դոլար):
Հիշեցնենք, որ Ռոջեր Ֆեդերերը Թենիսի միջազգային ֆեդերացիայի (ITF) կողմից ճանաչվել է չեմպիոնների չեմպիոն։ Հաղթողը որոշվել է քվեարկության արդյունքում, իսկ մրցումն անցկացվել է վիրտուալ մրցաշարի ձևաչափով։
Ֆեդերերը քվեարկության արդյունքում գերազանցել է Էնդի Մարեյին, Լեյտոն Հյուիտին, Պետրա Կվիտովային, Մարտինա Նավրատիլովային և Շտեֆի Գրաֆին։
Աշխարհի նախկին առաջին ռակետը Մեծ սաղավարտի մրցաշարերում չի հաղթել 2018 թվականի հունվարից։
