ՈւԵՖԱ-ի Ազգերի լիգայի խաղարկության A2-րդ խմբի 5-րդ տուրում Նիդերլանդների հավաքականը Ամստերդամի «Յոհան Կրոյֆ Արենայում» ջախջախեց Հունաստանի ընտրանուն (7-0)։
Տանտերերի կազմում հանդիպման հաշիվը 6-րդ րոպեին բացեց Սամերվիլը։ Դրանից հետո հեթ-տրիկի հեղինակ դարձավ Ռեյնդերսը՝ աչքի ընկնելով 12-րդ, 18-րդ և 33-րդ րոպեներին։
Առաջին խաղակեսի վերջնամասում՝ 40-րդ րոպեին, Թիմբերը հաշիվը դարձրեց 5-0։ Երկրորդ կեսում՝ 59-րդ րոպեին, Թիմբերը ձևակերպեց իր դուբլը, իսկ 61-րդ րոպեին Մալենը խփեց «նարնջագույնների» յոթերորդ գնդակը՝ դնելով հանդիպման վերջակետը։
Գոլերը՝ ԱՅՍՏԵՂ
Խմբի զուգահեռաբար ընթացող մյուս խաղում Սերբիայի ընտրանին Բելգրադի «Ռայկո Միտիչ» մարզադաշտում 1-3 հաշվով զիջեց Գերմանիային։
Գերմանացիներն առաջ անցան արդեն 3-րդ րոպեին՝ սերբ պաշտպան Բաբիչի ինքնագոլի շնորհիվ։ 14-րդ րոպեին Վիրցը կրկնապատկեց հյուրերի առավելությունը։ Երկրորդ խաղակեսի մեկնարկում՝ 50-րդ րոպեին, Գրուդան հաշիվը դարձրեց 0-3։
56-րդ րոպեին Բաբիչն այս անգամ գրավեց մրցակցի դարպասը՝ կրճատելով հաշվի տարբերությունը։ Հանդիպման վերջնամասում տանտերերը երկու կարմիր քարտ ստացան. 76-րդ րոպեին VAR-ի միջամտությամբ հեռացվեց Դրագոևիչը, իսկ 89-րդ րոպեին՝ Ժիվկովիչը։
Գոլերը՝ ԱՅՍՏԵՂ
Այս տուրից հետո Նիդերլանդները 11 միավորով գլխավորում է խումբը և արդեն ապահովել է տեղը քառորդ եզրափակիչում (փլեյ-օֆֆում)։ Հունաստանն ու Գերմանիան ունեն 8-ական միավոր և շարունակում են պայքարը փլեյ-օֆֆի երկրորդ ուղեգրի համար, իսկ միավոր չվաստակած Սերբիան արդեն դուրս է մնացել հետագա պայքարից։
Խմբային փուլի վերջին՝ 6-րդ տուրում, որը կկայանա նոյեմբերի 16-ին, Գերմանիան սեփական հարկի տակ կընդունի Նիդերլանդներին, իսկ Հունաստանը կհյուրընկալի Սերբիային։
Ազգերի լիգայի A2 խմբի մրցաշարային աղյուսակը՝ ստորև․
