Իսպանացի նախկին ֆուտբոլիստ և մարզիչ Էուսեբիո Սակրիստանն իր կարծիքն է հայտնել արգենտինացի հարձակվող Լիոնել Մեսսիի մասին, որն օրեր առաջ ավարտել է ելույթներն ազգային հավաքականում։
«Իմ կարծիքով՝ Մեսսիի գլխավոր թերությունն այն է, որ նա ստիպել է Մբապեի և Վինիսիուսի պես խաղացողներին հավատալ, թե իրենք ևս կարող են քայլելով շրջել խաղադաշտում, իսկ հետո ընդամենը մեկ գործողությամբ բեկել հանդիպման ընթացքը։ Սակայն նման բան կարող է անել միայն Լեոն»,- Սակրիստանի խոսքն է մեջբերում Footmercato-ն։
Հիշեցնենք, որ 39-ամյա Մեսսին Արգենտինայի ազգային թիմի կազմում իր հրաժեշտի հանդիպումն անցկացրել է սեպտեմբերի 3-ին, որտեղ արգենտինացիները 3-0 հաշվով վստահ հաղթանակ են տարել Բենինի ընտրանու նկատմամբ։ Այդ խաղում Մեսսին աչքի է ընկել խփած գոլով և երկու արդյունավետ փոխանցմամբ։
