ՈՒԵՖԱ-ի Ազգերի լիգայի 2026/2027 մրցաշրջանի A լիգայի 4-րդ խմբում կայացան 4-րդ տուրի հանդիպումները։
Գործող չեմպիոն Պորտուգալիայի հավաքականը Պորտուի «Դրագաու» մարզադաշտում ընդունել էր Նորվեգիային և առանց թիմի ավագ Կրիշտիանու Ռոնալդուի կարողացավ կամային հաղթանակ տոնել 2:1 հաշվով։
Խաղի 36-րդ րոպեին հյուրերին առաջ մղեց Քրիստոֆեր Այերը, սակայն ընդամենը երկու րոպե անց Ժոաու Կանսելուն վերականգնեց հավասարությունը։ Պորտուգալացիներին հաղթանակ պարգևեց Գոնսալու Ռամուշը՝ աչքի ընկնելով 79-րդ րոպեին։
Ընդ որում, իտալացի մրցավար Մաուրիցիո Մարիանիի սպասարկած հանդիպումը դաշտի տերերն ավարտեցին 10 հոգով. 86-րդ րոպեին կարմիր քարտ ստացավ կիսապաշտպան Շիկու Կոնսեյսաուն։
Տեսանյութը՝ ԱՅՍՏԵՂ
Խմբի մյուս խաղում Դանիայի ընտրանին հյուրընկալվելիս նվազագույն հաշվով առավելության հասավ Ուելսի նկատմամբ։ Քարդիֆի համանուն մարզադաշտում կայացած խաղի միակ գոլը 75-րդ րոպեին 11-մետրանոցից հեղինակեց դանիացիների հարձակվող Ռասմուս Հոյլունդը։
Այս տուրից հետո 4-րդ խմբի մրցաշարային աղյուսակը 12 միավորով բացարձակ արդյունքով գլխավորում է Պորտուգալիան։ Դանիան 6 միավորով երկրորդն է, իսկ Ուելսն ու Նորվեգիան վաստակել են 3-ական միավոր և բաժանում են 3-4-րդ հորիզոնականները:
Տեսանյութը՝ ԱՅՍՏԵՂ
