Ազգերի լիգայի խաղարկության A3 խմբի երրորդ տուրում Խորվաթիայի հավաքականը սեփական հարկի տակ 0-7 հաշվով ջախջախիչ պարտություն կրեց Անգլիայի ընտրանուց:
«Երեք առյուծների» տպավորիչ հաղթանակի հիմքը դրվեց արդեն 8-րդ րոպեին, երբ հաշիվը բացեց Հարի Քեյնը: 21-րդ րոպեին Ջուդ Բելինգեմը կրկնապատկեց հյուրերի առավելությունը, իսկ 39-րդ րոպեին Էնթոնի Գորդոնը խփեց երրորդ գնդակը: Մինչև ընդմիջման գնալը՝ 45-րդ րոպեին, Բուկայո Սական հաշիվը դարձրեց 0-4:
Երկրորդ խաղակեսում հյուրերի բացահայտ գերիշխանությունը շարունակվեց: 53-րդ րոպեին Քեյնը դարձավ դուբլի հեղինակ, իսկ 68-րդ րոպեին իր երկրորդ գնդակը խփեց նաև Սական: Հանդիպման վերջնակետը 87-րդ րոպեին դրեց Մորգան Ռոջերսը՝ ձևակերպելով խաղի վերջնահաշիվը:
Հավելենք, որ խմբի մյուս խաղում Իսպանիայի հավաքականը քիչ անց սեփական հարկի տակ կընդունի Չեխիայի ընտրանուն: Այդ հանդիպումը կմեկնարկի 22:45-ին:
Գոլերը՝ ԱՅՍՏԵՂ
Ազգերի լիգայի A3 խմբի մրցաշարային աղյուսակը՝ ստորև․
