Նախամրցաշրջանային ընկերական հանդիպումների շրջանակում իտալական «Ինտերն» ուժերը չափել է իսպանական «Բետիսի» հետ։ Լարված պայքարում ընթացած խաղն ավարտվել է «ներաձուրիների» նվազագույն՝ 1:0 հաշվով հաղթանակով։
Հանդիպման միակ ու հաղթական գնդակը խաղավարտին մոտ՝ 82-րդ րոպեին, հեղինակել է միլանյան ակումբի պաշտպան Ջոն Սթոունզը։
Իտալական գրանդի կազմում խաղադաշտ է դուրս եկել նաև հայ կիսապաշտպան Հենրիխ Մխիթարյանը։ Նա փոխարինման է մտել երկրորդ խաղակեսում՝ 62-րդ րոպեին։
Նշենք, որ սա «Ինտերի» հերթական հաղթանակն է նախապատրաստական փուլում. ավելի վաղ՝ օգոստոսի 8-ին կայացած ստուգողական խաղում, թիմը 2:1 հաշվով պարտության էր մատնել Թուրինի «Յուվենտուսին»։
Իտալիայի գործող չեմպիոնը, որը նախորդ մրցաշրջանում վաստակած 87 միավորով գլխավորել էր Ա Սերիայի մրցաշարային աղյուսակը, նոր մրցաշրջանի մեկնարկային 1-ին տուրում օգոստոսի 22-ին կհյուրընկալի «Մոնցային»։
Ինչ վերաբերում է «Բետիսին», ապա իսպանական ակումբը Լա Լիգայի նախորդ՝ 2025/2026 մրցաշրջանն ավարտել էր 5-րդ հորիզոնականում՝ 38 խաղում վաստակելով 60 միավոր (Իսպանիայի չեմպիոն էր հռչակվել «Բարսելոնան»՝ 94 միավորով)։
Տեսանյութը՝ ԱՅՍՏԵՂ
