Իսպանական Լա Լիգայի 33-րդ տուրի շրջանակում կայացել է «Էլչե» – «Ատլետիկո Մադրիդ» հանդիպումը։ «Մանուել Մարտինես Վալերո» մարզադաշտում անցկացված խաղում 3։2 հաշվով հաղթանակ են տոնել դաշտի տերերը։
Հանդիպման հաշիվը 10-րդ րոպեին բացել է «Ատլետիկոյի» կիսապաշտպան Նիկոլաս Գոնսալեսը, սակայն 18-րդ րոպեին «Էլչեի» պաշտպան Դավիդ Աֆենգրուբերը վերականգնել է հավասարությունը։
30-րդ րոպեին մադրիդյան թիմը մնացել է փոքրամասնությամբ. ուղիղ կարմիր քարտով հեռացվել է Տիագո Ալմադան։ Դրանից ընդամենը երեք րոպե անց Անդրե Սիլվան անվրեպ է իրացրել 11-մետրանոց հարվածը՝ առաջ մղելով տանտերերին։ Մադրիդցիները կարողացել են արագ արձագանքել. 34-րդ րոպեին Գոնսալեսը դուբլ է ձևակերպել ու կրկին հավասարեցրել հաշիվը։ Այդուհանդերձ, 75-րդ րոպեին Անդրե Սիլվան նույնպես աչքի է ընկել դուբլով և հաղթանակ պարգևել իր թիմին։
Այս հանդիպումից հետո Մադրիդի «Ատլետիկոն» 57 միավորով զբաղեցնում է մրցաշարային աղյուսակի 4-րդ հորիզոնականը, իսկ «Էլչեն» իր ակտիվում ունի 35 միավոր և գտնվում է 15-րդ տեղում։
Առաջնության հաջորդ տուրում «Էլչեն» ապրիլի 26-ին հյուրընկալվելիս կմրցի «Օվյեդոյի» հետ, իսկ «Ատլետիկոն» մեկ օր առաջ սեփական հարկի տակ կընդունի Բիլբաոյի «Ատլետիկին»։
Տեսանյութը՝ ԱՅՍՏԵՂ
Լա Լիգայի մրցաշարային աղյուսակն այս պահին
