Անգլիայի գավաթի խաղարկության 1/8 եզրափակիչում «Վեսթ Հեմը» սեփական հարկի տակ ընդունեց «Բրենտֆորդին»։ Հիմնական և լրացուցիչ ժամանակներն ավարտվեցին 2-2 հաշվով, իսկ 11 մետրանոց հարվածաշարում ավելի դիպուկ գտնվեցին տանտերերը (5-3):
Տանտերերի կազմում հանդիպման հաշիվը 19-րդ րոպեին բացեց Ջարոդ Բոուենը։ Հյուրերը կարողացան արագ պատասխանել. 28-րդ րոպեին Իգոր Տիագոն վերականգնեց հավասարությունը։ Սակայն դեռ առաջին խաղակեսում՝ 34-րդ րոպեին, նույն Բոուենը անվրեպ իրացրեց 11 մետրանոց հարվածը՝ կրկին առաջ մղելով լոնդոնցիներին։
Երկրորդ խաղակեսի վերջնամասում՝ 81-րդ րոպեին, Տիագոն նույնպես իրացրեց 11 մետրանոց և դարձավ դուբլի հեղինակ՝ խաղը փրկելով ու տեղափոխելով լրացուցիչ ժամանակ։
Լրացուցիչ ժամանակում դարպասի նոր գրավումներ չարձանագրվեցին, իսկ հետխաղյա 11 մետրանոց հարվածաշարում ավելի հաջողակ գտնվեցին «Վեսթ Հեմի» ֆուտբոլիստները՝ հաղթելով 5-3 հաշվով և նվաճելով քառորդ եզրափակիչի ուղեգիր, որռեղ նրանց մրցակիցը կլինի «Լիդսը»։
Հանդիպման գոլերը` ԱՅՍՏԵՂ
