Մարտի 8-ի գիշերը կայացած MLS-ի կանոնավոր առաջնության հերթական խաղում «Ինտեր Մայամին» հյուրընկալվելիս 2-1 հաշվով առավելության հասավ «Դի Սի Յունայթեդի» նկատմամբ։
Մայամին ներկայացնող ակումբի կազմում գոլերի հեղինակ դարձան արգենտինացիներ Ռոդրիգո Դե Պոլը և լեգենդար Լիոնել Մեսսին։ Արգենտինացի սուպերաստղի համար այս գոլը պատմական նշանակություն ուներ՝ դառնալով 899-րդը նրա պրոֆեսիոնալ կարիերայում։ Մայրաքաղաքային թիմի կազմում միակ պատասխան գոլը հեղինակեց Թայ Բարիբոն։
Անցկացրած երեք հանդիպումներից հետո մրցաշարային աղյուսակում ստեղծվել է հետևյալ պատկերը․
«Ինտեր Մայամին» վաստակել է 6 միավոր և վստահորեն զբաղեցնում է Արևելյան կոնֆերենցիայի 3-րդ հորիզոնականը։
«Դի Սի Յունայթեդը», նույնքան խաղերից հետո ունենալով 3 միավոր, հանգրվանել է Արևելյան կոնֆերենցիայի 7-րդ տողում։
Առաջնության հաջորդ տուրի շրջանակներում, որը կկայանա մարտի 15-ին, «Դի Սի Յունայթեդը» հյուրընկալվելիս ուժերը կչափի «Չիկագո Ֆայրի» հետ, իսկ «Ինտեր Մայամին» արտագնա հանդիպում կանցկացնի «Շառլոտի» դեմ։
