Իտալական Ա Սերիայի 24-րդ տուրի շրջանակում «Յուվենտուսը» սեփական հարկի տակ մրցեց «Լացիոյի» հետ։ Թուրինի «Ալյանց» մարզադաշտում կայացած հանդիպումն ավարտվեց գոլառատ ոչ-ոքիով՝ 2։2 հաշվով։
Խաղի հաշիվը առաջին խաղակեսի ավելացված ժամանակում (45+2) բացեց հռոմեացիների հարձակվող Պեդրո Ռոդրիգեսը։ Երկրորդ կեսի մեկնարկում՝ 47-րդ րոպեին, Գուստավ Իսաքսենը կրկնապատկեց հյուրերի առավելությունը։
Տանտերերին հաջողվեց կրճատել հաշվի տարբերությունը 59-րդ րոպեին Ուեսթոն Մակքենիի գոլի շնորհիվ։ Իսկ հանդիպման հիմնական ժամանակին ավելացված 6-րդ րոպեին «Յուվենտուսի» պաշտպան Պիեռ Կալյուլուն խփեց թուրինյան թիմի փրկարար գնդակը՝ ձևակերպելով վերջնական հաշիվը։
Այս խաղից հետո «Յուվենտուսը» 46 միավորով զբաղեցնում է մրցաշարային աղյուսակի 4-րդ հորիզոնականը՝ առաջատար «Ինտերին» զիջելով 12 միավորով։ «Լացիոն» 33 միավորով 8-րդ տեղում է։
Գոլերը՝ ԱՅՍՏԵՂ
Մրցաշարային աղյուսակն այս պահին
