Անգլիայի հավաքականի նախկին ավագ, «Մանչեսթեր Յունայթեդի» պատմության լավագույն ռմբարկու Ուեյն Ռունին կարծում է, որ «Լիվերպուլը» ունի հարձակման լավագույն գիծը աշխարհում ՝ ի դեմս Մոհամեդ Սալահի, Սադիո Մանեի և Ռոբերտո Ֆիրմինոյի:
«Գոլերը հաճախ ծնվում են խաղացողների փոխազդեցության շնորհիվ, և «Լիվերպուլի» հարձակվողական եռյակը այս համատեքստում հիանալի օրինակ է:
Սալահը և Սադիո Մանեն սրություն են ապահովում՝ հակառակորդներին ստիպելով նահանջել, ինչը թույլ է տալիս Ֆիրմինոյին խորանալ՝ գնդակը ստանալու համար: Մրցակցի կենտրոնական պաշտպանները հանգստանում են, իսկ հետո հանկարծ Սալահը և Մանեն անհավատալի արագությամբ տեղափոխվում են դեպի ազատ գոտիներ:
Ցավում եմ, որ խոստովանում եմ դա, բայց «Լիվերպուլն» այս պահի դրությամբ ունի աշխարհի լավագույն հարձակման գիծը», – գրել է Ռունին The Times-ի իր սյունակում:
