«Միլանի» պաշտպան Ալեսիո Ռոմանյոլին կարող է հեռանալ թիմից ու կարիերան շարունակել Իսպանիայում:
Ինչպես հայտնում է Sport.es-ը, «Միլանի» 25-ամյա ավագին առաջվա պես հետևում է «Բարսելոնան», որը նախորդ երկու տրանսֆերային պատուհանների ընթացքում փորձել է ձեռք բերել նրան: Նշվում է, որ անձամբ ֆուտբոլիստը ևս հետաքրքրված է «Բարսելոնա» տեղափոխությամբ, սակայն խնդիր կարող է դառնալ նրա արժեքը: Ռոմանյոլին մոտավորապես 50 մլն եվրո է գնահատվում:
Ռոմանյոլին կարիերան սկսել է «Ռոմայում», որում հանդես է եկել 2012-ից 2015 թվականներին, ինչից հետո տեղափոխվել է «Միլան», որի հետ հաջորդ տարի նվաճել է Իտալիայի Սուպերգավաթը:
2018 թվականին Ալեսիոն դարձել է «Միլանի» ավագը: 2016 թվականից հրավիրվում է Իտալիայի հավաքական:
