Չեմպիոնների լիգան վերադառնում է նոր ձևաչափով։ 2021 թվականին գերակումբների կողմից Սուպերլիգա ստեղծելու անհաջող փորձից հետո ՈւԵՖԱ-ն փոփոխություն է մտցրել Եվրոպայի գլխավոր ակումբային մրցաշարում։
Փոփոխությունները, կարծես, ոչ ոքի դուր չի եկել։ Մարզիչներն ու ֆուտբոլիստները դժգոհ են հանդիպումների մեծ քանակից, իսկ երկրպագուները չեն հասկանում նորամուծությունները և պահանջում են վերադարձնել հին օրհներգը։
Մեկ տարվա դադարից հետո «Լիվերպուլը» վերադառնում է Չեմպիոնների լիգա։ Այսօր երեկոյան Լիգայի փուլի առաջին խաղում մերսիսայդցիները մեկնում են Միլան, որի հետ 21 տարի առաջ կերտեցին եվրոպական ակումբային ամենահեղինակավոր մրցաշարի լավագույն եզրափակիչներից մեկը:
Չեմպիոնների լիգայում ակումբների միջև չորս խաղերից երկուսը եզրափակիչ են եղել, իսկ մյուս երկու հանդիպումները «Լիվերպուլն» ու «Միլանը» անցկացրել են 2021/22 մրցաշրջանի խմբային փուլում։ Երկուսում էլ հաղթել է անգլիական ակումբը։
Հանդիպումը կմեկնարկի Երևանի ժամանակով 23։00-ին։
Հանդիպման մրցավարը՝ Էսպեն Էսկոս
«Միլանը» հանդիպում է «Լիվերպուլին», Կյեզան՝ «կարմիրների» «ուրախությունն է»: Իբրահիմովիչը Մորատային լրացուցիչ մոտիվացիա է տալիս․ Tuttosport
«Լիվերպուլը» մեծագույն ակումբ է, Եվրոպայի լավագույններից մեկը: Նրանք շատ ուժեղ են դիրքային խաղում և իրենց անհատական տաղանդներով: Հաղթելու համար կարևոր է շատ ճիշտ պաշտպանվել: Վաղվա խաղում պետք է ցույց տանք մեր առաջընթացը: Վստահ եմ, որ երկրպագուները նույնպես կարևոր դեր կխաղան»,- «Միլանի» գլխավոր մարզիչ Պաուլո Ֆոնսեկայի խոսքերն է մեջբերում ՈւԵՖԱ-ի պաշտոնական կայքը:
Այսպիսի խաղերը մտնում են պատմության մեջ․ Մորատան՝ Լիվերպուլի դեմ խաղի մասին
«Չեմպիոնների լիգային մասնակցելը գլխավոր պատճառներից մեկն էր, որ ես Բրազիլիայից տեղափոխվեցի Եվրոպա: Ամեն ինչ կանենք հաղթանակի համար»,- ասել է «Լիվերպուլի» դարպասապահ Ալիսոնը:
«Չեմ կարծում, որ մեզնից ինչ-որ մեկը դիմացինից վախենում է: Մենք շատ ենք հարգում մեր մրցակցին: Վերջին խաղում հաղթանակ տանելով նրանք ապացուցեցին, որ լավ մարզավիճակ են ձեռք բերել: Վախենալը սխալ խոսք է, մենք հարգում ենք մեր մրցակցին»,- ասել է «Լիվերպուլի» գլխավոր մարզիչ Արնե Սլոթը:
Ով կխաղա
«Միլան»՝ Մեյնան, Կալաբրիա, Պավլովիչ, Տոմորի, Թեո Էրնանդես, Ֆոֆանա, Լոֆտուս Չիկ, Չուկվուեզե, Պուլիշիչ, Ռաֆաել Լեաու, Մորատա
Չեն խաղա՝ Բենասե, Ֆլորենցի, Սպորտյելո, Տյաու
«Լիվերպուլ»՝ Ալիսոն, Ալեքսանդր Առնոլդ, Կոնատե, Վան Դայկ, Ռոբերտսոն, Մակալիստեր, Գրաբենբերխ, Սալահ, Սոբոսլայ, Լուիս Դիաս, Դիեգու Ժոտա
Չեն Խաղա՝ Էլիոթ
