Ֆորմուլա 1-ի չեմպիոն Մաքս Ֆերստապենը հանդիպել է ֆուտբոլային ինսայդեր Ֆաբրիցիո Ռոմանոյի հետ։ Ռոմանոն կարճ հարցազրույց է վերցրել, որի ընթացքում նա հարցրել է Մաքսի ֆուտբոլային նախասիրությունների մասին։
Զրույցը սկսվեց այն հարցով, թե ում հետ կհամեմատեր իրեն հոլանդացին ֆուտբոլային աշխարհում։
«Շատ դժվար է, քանի որ ես այնքան էլ լավ ֆուտբոլիստ չեմ: Տեխնիկական հմտություններ չունեմ: Չգիտեմ: Անցյալի իմ սիրելի ֆուտբոլիստը հաստատ Յոհան Կրոյֆն է: Բայց ես չեմ կարող ինձ համեմատել նրա հետ»,- ասել է Մաքսը:
Ռոմանոն հարցրել է Ֆերստապենին, թե որ հանդիպումը հավերժ կմնա նրա հիշողության մեջ:
«Ես երբեք չեմ մոռանա «Բարսելոնայի» 6-1 հաշվով հաղթանակը ՊՍԺ-ի նկատմամբ: Դա խենթություն էր: Ոչ ոք նման բան չէր սպասում, որ ամեն ինչ կփոխվի 0-4-ից հետո: Դա մի բան է, որը դուք հիշում եք տարիներ շարունակ»:
