«Մանչեսթեր Սիթիի» կիսապաշտպան Իլկայ Գյունդողանը կարող է կարիերան շարունակել «Արսենալում», հայտնում է Bild-ը։
Աղբյուրի համաձայն՝ խաղացողի հրավերի նախաձեռնողը «զինագործների» գլխավոր մարզիչ Միկել Արտետան է։
Գյունդողանը «Մանչեսթեր Սիթիում» հանդես է գալիս 2016 թվականի ամառվանից։ Նրա ներկայիս պայմանագիրը նախատեսված է մինչև 2023 թվականի ամառը։
Ավելի վաղ հաղորդվում էր, որ խաղացողը մոտ է «Բարսելոնա» տեղափոխվելուն։
Այս մրցաշրջանում 32-ամյա գերմանացին բոլոր մրցաշարերում անցկացրել է 48 հանդիպում՝ դառնալով 9 գոլի և 7 գոլային փոխանցման հեղինակ:
