Երևանի Արարատի նախկին գլխավոր մենեջեր Վալերի Հովհաննիսյանը կվերադառնա երևանյան թիմ։ Այս մասին հայտնի է դարձել ArmSport–ին։
Մեր տեղեկություններով Հովհաննիսյանը պաշտոն կզբաղեցնի ակումբի ղեկավար կազմում։
Նախորդ տարի Հովհաննիսյանը զբաղեցրեց ռուսական «Տամբովի» նախագահի պաշտոնը, սակայն մեկ շաբաթ անց հայտնի դարձավ, որ նա այլևս ակումբում չէ։
Հիշեցնենք, որ 2020 թվականի ամռանը Հովհաննիսյանը հեռացվել էր երևանյան ակումբից։ ՀՖՖ կարգապահական և Էթիկայի կոմիտեն որակազրկել էր Վալերի Հովհաննիսյանին՝ Բարձրագույն խմբի 22-րդ տուրում «Արարատ-Արմենիա» – «Արարատ» խաղի ընթացքում մրցավարի հասցեին վիրավորանքներ հնչեցնելու համար։
