«Մանչեսթեր Յունայթեդը» չի պլանավորում բաժանվել Կրիշտիանու Ռոնալդուից ամառային տրանֆերային պատուհանի ժամանակ: Այս մասին հաղորդում է Daily Mail-ը:
Նշվում է, որ պորտուգալացին թիմի ճամբարին կմիանա ուրբաթ օրը՝ հուլիսի 8-ին, երբ կներկայացվի նոր մարզահագուստը: Ռոնալդուն արդեն չորս օր է բացակայում է թիմի մարզումներից, միևնույն ժամանակ ԶԼՄ-ները նրան տարբեր ակումբներ են ուղարկում՝ ասելով, որ նա հեռանալու է Անգլիայից:
Ավելի վաղ հաղորդվում էր, որ Ռոնալդուի ծառայություններով հետաքրքրվում են «Նապոլին», «Չելսին» և «Բավարիան», բայց մյունխենցիներն արդեն հասցրել են հերքել լուրերը:
