Թոփ-5 լիգաներում արդեն հայտնի են գրեթե բոլոր նորեկ ակումբները, որոնք հանդես կգան իրենց երկրների էլիտար դիվիզիոններում 2022/23 մրցաշրջանում։
⚽ Անգլիա
Մրցաշարը լքել են՝
❌ «Բարնլի»
❌ «Ութֆորդ»
❌ «Նորվիչ»
Առաջնության նորեկներն են՝
✅ «Ֆուլհեմ»
✅ «Բորնմութ»
✅ «Նոթինգհեմ»
«Նոթինգհեմը» 1999 թվականից ի վեր առաջին անգամ է վերադառնում Պրեմիեր լիգա։ Լեգենդար ակումբն իր պատմության մեջ երկու անգամ դարձել է եվրագավաթակիր։ Իսկ ահա «Ֆուլհեմը» նախորդ մրցաշրջանում էր լքել ԱՊԼ-ն։
⚽ Իտալիա
Մրցաշարը լքել են՝
❌ «Կալյարի»
❌ «Ջենոա»
❌ «Վենեցիա»
Առաջնության նորեկներն են՝
✅ «Լեչե»
✅ «Կրեմոնեզե»
✅ «Մոնցա»
Հարկ է նշել, որ «Ջենոան» վերջին 15 մրցաշրջաններում առաջին անգամ կլքի Ա Սերիան։ Թիմն իր պատմության ընթացքում 9-րդ անգամ է իջնում Բ Սերիա, վերջին անգամ դա տեղի է ունեցել 1994/95 մրցաշրջանում։
«Մոնցան» իր հերթին երբեք չի խաղացել Իտալիայի առաջնության էլիտար դիվիզիոնում։ Նրա ամենաբարձր նվաճումը Բ Սերիայում 3-րդ տեղն է 1955/56 և 2020/21 մրցաշրջաններում։ Նշենք, որ ակումբի նախագահը Իտալիայի նախկին վարչապետ և «Միլանի» նախկին սեփականատեր Սիլվիո Բեռլուսկոնին է։
⚽ Գերմանիա
Մրցաշարը լքել են՝
❌ «Արմինիա»
❌ «Գրոտեր Ֆուրտ»
Առաջնության նորեկներն են՝
✅ «Շալկե»
✅ «Վերդեր»
Իրականում այս դեպքում նորեկներին չի կարելի համարել պարզապես «նորեկ»․ երկու ակումբներն էլ Բունդեսլիգայի հնաբնակներից են և երկուսն էլ նախորդ տարի էին լքել առաջնությունը։ Դե ինչ, չհասցրեցինք նույնիսկ կարոտել․․․
⚽ Ֆրանսիա
Մրցաշարը լքել են՝
❌ «Սենտ-Էտյեն»
❌ «Մեց»
❌ «Բորդո»
Առաջնության նորեկներն են՝
✅ «Թուլուզ»
✅ «Այաչո»
✅ «Օսեր»
«Օսերն» ավելի քան տասը տարի անց վերադարձավ Լիգա 1, իսկ «Սենտ-Էտյենն» առաջին անգամ լքում է մրցաշարը 19 տարվա ընթացքում․․․ վերջինս, ՊՍԺ-ի հետ միասին, Ֆրանսիայի ամենատիտղոսակիր թիմն է (10-ակի չեմպիոն)։ «Թուլուզը» լքել էր Լիգա 1-ը 2019/20 մրցաշրջանում, որն ավարտվել էր ժամանակից շուտ՝ համաճարակի պատճառով։
⚽ Իսպանիա
Միայն այս առաջնությունում հայտնի չէ վերջին՝ երրորդ նորեկը։ Իսկ ահա «Վալյադոլիդը», որի սեփականատերը լեգենդար Ռոնալդոն է, վերադարձավ Լա Լիգա։
Մրցաշարը լքել են՝
❌ «Գրանադա»
❌ «Լևանտե»
❌ «Ալավես»
Առաջնության նորեկներն են՝
✅ «Ալմերիա»
✅ «Վալյադոլիդ»
✅ «Տեներիֆե» կամ «Լաս Պալմաս»․ զույգի հաղթողը պարզ կդառնա հունիսի 19-ին։
Հետաքրքիր կլինի նոր մրցաշրջանում հետևել այնպիսի լեգենդար ակումբի ելույթներին, ինչպիսին է «Նոթինգհեմը»։ Իսկ ահա «Ջենոայի» դուրս մնալը երևի ամենաանսպասելին էր այս մրցաշրջանում։ «Թուլուզի», «Շալկեի», «Վերդերի» վերադարձը սպասելի էր, իսկ թե ինչպիսի՞ նախագիծ է իրենից ներկայացնում «Մոնցան»․․․ Բեռլուսկոնին երեկ ասել էր․ «Հիմա ցանկանում եմ հաղթել Ա Սերիան, իսկ հետո Չեմպիոնների լիգան»․․․ Դե ինչ՝ կսպասենք 😉․․․
