Սեպտեմբերի 17-ին ադրբեջանիցները Գորիս-Կապան ավտոճանապարհի Որոտանի հատվածում կանգնեցրել են Արցախի ֆուտբոլի մանկապատանեկան թիմի միկրոավտոբուսը:
«Ադրբեջանցիները կանգնեցրել են մեր ավտոբուսը և իրականացրել անհարկի ստուգումներ: Իսկ ավտոբուսին փակցված Արցախի դրոշը և խորհրդանիշները քերել են սվին դանակով։ Ճիշտ է, որևէ ֆիզիկական վնաս երեխաներին չեն հասցրել, բայց փորձել են հոգեբանական ճնշում գործադրել, մասնավորապես՝ թշնամու ուժային կառույցի ծառայողը երեխաներին դիմել է.
«Ղարաբաղն Ադրբեջան է, պա՞րզ է»,- ասվում է «Լեռնային Արցախ ՖԱ»-ի տարածած հաղորդագրության մեջ:
Նշվում է նաև, որ երեխաները որևէ կերպ չեն արձագանքել՝ դրսևերելով արժանապատիվ կեցվածք:
Ավելի վաղ հայտնել էինք, որ ադրբեջանցիների տարածած տեսանյութում առաջին նստած տղան թիմի ավագն է՝ Արթուր Ասկարյանը, որը 44-օրյա պատերազմում հերոսաբար զոհված Գենադի Ասկարյանի որդին է: