Սեպտեմբերի 2-ին Հայաստանի ազգային հավաքականը կանցկացնի Աշխարհի 2022 թ. առաջնության ընտրական փուլի J խմբի 4-րդ մրցափուլի հանդիպումը՝ Սկոպյեում մրցելով Հյուսիսային Մակեդոնիայի ընտրանու հետ:
Խաղից առաջ կայացած մամուլի ասուլիսին մեր հավաքականի կիսապաշտպան Հենրիխ Մխիթարյանը պատասխանեց լրագրողների հարցերին։
-Մրցաշարը շարունակում ենք առանց մեր թիմի ավագ Գորան Պանդևի՝ ի՞նչ եք կարծում՝ հավաքականի խաղն առանց նրա շա՞տ կտարբերվի։
-Նա մակեդոնական ֆուտբոլի լեգենդ է։ Բայց դժվար է ասել, թե բացակայությունն ինչ ազդեցություն կունենա, այդ մասին կխոսենք խաղից հետո։ Նրան ամենալավն եմ մաղթում ակումբային կարիերայում։
-Դուք հաղթել եք առաջին 3 խաղերում։ Ո՞րն է լինելու հավաքականի նպատակը այս փուլում։
-Թիմակիցներս նախորդ 3 խաղերում մեծ աշխատանք են արել։ Վաղը խաղալու ենք միայն հաղթանակի համար։ Գիտենք խաղի կարևորությունը։
-Ազգերի լիգայի խմբում և ԱԱ-ի 3 խաղերը հաղթելուց հետո թիմի մոտ հաղթողի հոգեբնությո՞ւն է ձևավորվել:
-Հաղթելու հոգեբանությունը ձևավորվել է դեռ Ազգերի լիգայից, որտեղ մենք առաջին տեղը զբաղեցրինք։ Տղաների մոտ շատ բան է փոխվել՝ նաև հավատը իրենց ուժերի նկատմամբ։ Կարծում եմ՝ հետագայում խաղն էլ ավելի կլավանա։
– Ասում էիք, որ ֆուտբոլիստները պետք է պատասխանատվություն վերցնեն իրենց վրա: Դա այն էր, ինչ տեսաք նախորդ խաղերում:
-Միանշանակ, եղան առանցքային ֆուտբոլիստներ, եղան ֆուտբոլիստներ, որ թիմին տարան իրենց հետևից։ Հուսով եմ՝ մյուս խաղերում էլ կլինեն խաղացողներ, որ իրենց վրա պատասխանատվություն կվերցնեն։ Ցավոք, վաղվա խաղում առանցքային ֆուտբոլիստներ չեն խաղա՝ Հարոյանը, Բայրամյանն ու Բարսեղյանը, բայց ովքեր նրանց փոխարեն են, վստահ եմ՝ լավ կխաղան։
