Գերմանիայի հավաքականի հարձակվող Տիմո Վերները զավեշտալի իրավիճակում է հայտնվել, երբ ներկա է գտնվել Ավստրիայի Գրան-Պրիին:
Sky Sports-ի լրագրողը, գերմանացի ֆուտբոլիստի հետ հարցազրույցը սկսելիս, նրան ներկայացրել է որպես «Չելսիի» դարպասապահ:
Վերները հավատում է, որ Անգլիան կարող է հաղթել Եվրո-2020-ում ու ամենալավն է մաղթել Գարեթ Սաութգեյթի թիմին:
Նա նաև ընդունել է, որ Անգլիան ավելի լավ տեսք ուներ Գերմանիայի հետ 1/8 եզրափակչի խաղում, որում 2-0 հաշվով հաղթանակ տարավ ու գերմանացիներին դուրս թողեց պայքարից:
Ավելի վաղ հայտնել էինք, որ Շպիլբերգի «Ռեդ Բուլ Ռինգ» մրցարշավային ուղիում ավարտվել է Ավստրիայի Գրան-Պրին։ Մրցարշավի հաղթող է դարձել «Ռեդ Բուլի» ավտոարշավորդ Մաքս Ֆերստապպենը։
Երկրորդ տեղը զբաղեցրել է Վալտերի Բոտտասը «Մերսեդեսից», իսկ երրորդը՝ «Մակլարենի» ավտոարշավորդ Լանդո Նորրիսը։