Լոնդոնի «Չելսիի» ղեկավարությունը որոշել է նոր պայմանագիր առաջարկել թիմի ֆրանսիացի կիսապաշտպան Ն՛Գոլո Կանտեին, հայտնում է լրագրող Ֆաբրիցիո Ռոմանոն Թվիթերի իր էջում։
Աղբյուրը նշում է, որ նոր պայմանագրի շուրջ բանակցությունները կսկսվեն առաջիկա ամիսներին՝ առանց որևէ շտապողականության, քանի որ ակումբի և ֆուտբոլիստի միջև հիանալի հարաբերություններ են ձևավորվել։ Ստացած մի քանի առաջարկներից հետո «Չելսին» ցանկանում է 30-ամյա ֆուտբոլիստին պարգևատրել բարելավված պայմանագրով։
Նախորդ մրցաշրջանում Կանտեն «Չելսիի» կազմում բոլոր մրցաշարերում 48 հանդիպման է մասնակցել, որոնցում դարձել է երեք գոլային փոխանցման հեղինակ։ Նրա գործող պայմանագիրը լոնդոնցիների հետ նախատեսված է մինչև 2023 թվականի հունիսի 30-ը, իսկ տրանսֆերային արժեքը գնահատվում է 55 մլն եվրո։
