«Ինտերի» հարձակվող Ռոմելու Լուկակուն կարող է վերադառնալ «Չելսի»: Հարձակվողը հանդես է եկել լոնդոնյան ակումբում 2011-ից 2014 թվականներին:
The Sun-ը հայտնում է, որ «կապույտները» մտադիր են ուժեղացնել հարձակման գիծը այս ամառ: Թիմի հիմնական տրանսֆերային նպատակը հենց Լուկակուն է: «Չելսիի» սեփականատեր Ռոման Աբրամովիչը, ով հարձակվողի մեծ երկրպագուն է, անձամբ հետաքրքրված է բելգիացու տրանսֆերով:
Լոնդոնյան ակումբը պատրաստ է վաճառել հինգ խաղացողի՝ Լուկակու տեղափոխությունը ֆինանսավորելու համար: Խոսքը Թեմի Աբրահամի, Կեպե Արիսաբալագայի, Քալում Հադսոն-Օդոյիի, Ռոս Բարքլիի և Ռուբեն Լոֆթուս-Չիկի մասին է, ովքեր պատրաստվում են հեռանալ թիմից այս ամառ:
Նշվում է, որ Անտոնիո Կոնտեի հրաժարականից հետո Լուկակուն պատրաստ է հեռանալ «Ինտերից», իսկ միլանյան ակումբին հարկավոր է 80 միլիոն եվրո՝ թիմի պարտքերը մարելու համար, ինչն էլ ավելի հավանական է դարձնում բելգիացու տեղափոխությունը «Չելսի»: